المباني<< حامد زيد

[size=12]جابك الله من غياب ضيق صدور المباني
قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
ماتحمل ينتظر شهرين وعيونك بعيده
الله العالم لو انك جيت متأخر ثواني
ماتشوف الا بقايا من حصاه ومن حديده
من عرفتك وانت تايهه من مواني في مواني
وتارك قلبي مولع من وقيده في وقيده
ضاعت سنيني احد بهالليالي وتحداني
وانت ماتشبع غياب وماتخاف من النقيده
ودي اتحمد لك الله بالسلامه مامداني
كل ماتوصل برحله ترجع برحله جديده
دام تدري كل وجه غير وجه الله فاني
يأخي اكسب لك ثواب وخاف ربك في عبيده
كان فيني عيب قول فيك العيب الفلاني
كان هرجي مزعلك في شي قلي لاتعيده
عيب تصغر في عيوني وانت بارقاب الغواني
ليه تستسهل طعوني وانت خابرني وليده
لعنبوك ان مت في ايدك وش يفكك من اخواني
لا احزنوا ربعي على فرقاي وش اللي تستفيده
أنت مانت اللي عشقته انت اكيد انسان ثاني
ليه صرت بهالبرود وهالأحاسيس البليده
وين حبك للزعل وين العناد الاولاني
وين حنيه زمان وفرحه العمر الرغيده
وين ذاك اللي ليا اقبل مايبات الا باماني
وين راح اللي ليا اقفى مايروح الا فقيده
واحد من جابه الله بس يامر ويعصاني
الوحيد اللي اخاف ازعله وامشي معه سيد سيده
مابغيت اطيح بايده لين ماربي بلاني
والا انا لوهو بكيفي مابغيت اطيح بايده
ذاك بس اللي ليا من جيت له لخبط كياني
اللي بنظره ينشف دم قلبي في وريده
قبل اشوفه اجمع له احلا القصايد والمعاني
وان لقيته ماعرفت اقول جمله مفيده
الف مره قبل اعد القصيده من لساني
ولعنبوه ان جيت عنده قمت اخربط بالقصيده
أمدحه وانا ادري انه لو تباطاني نساني
انطحه وانا اعرفه انه مجنون وافكاره عنيده
من يسوي بي سواتك يالرهيف الاسمراني
من هو اللي من الناس غيرك غلطته ترفع رصيده
من يقص جناح طيرك وانت اعز انسان جاني
ليه اخاف رماح غيرك وانت ضرباتك سديده
ان تبعتك اتبعك من طيبي وواسع بطاني
والا انا لاجيت ا(كيد انسان) تدري كيف اكيده
اقدر انزع لك ثيابي والبس ثياب الاناني
واقدر اطلع من عذابي والعب بدورك واجيده
ومستعد اكسب رهاني لو بغيت اكسب رهاني
واخذعك باحساس كاذب واتحدى من يصيده
ابك انا لاشفت خلي حط غيري في مكاني
والله اني لا اتركه واصد واعشق سيد سيده
جيت مابيك تحقرني جيت ابيك تعز شاني
جيت ابي فزعه ضلوعك من مشاعرك البليده
خلني داخل حدودك واجبر بخاطر زماني
اكذب بباقي وعودك واصدق بلحظه سعيده
انتشلني من برودك لو تولع بالمحاني
عطني احساس بوجودك واخذ كل اللي تريده
تكفى واليا قلت تكفى بيع خلق الله عشاني
لا تضيع من يديني فرصه العمر الوحيده
يعلم الله شفت منك ومن غيابك ماكفاني
كان ماتقدر تخفف هم قلبي لاتزيده
شف غيابك وش مسوي بالصدور وبالمباني
وانت تدري كيف كانت صدمه غيابك شديده
والله انك لو وصلت البت متأخر ثواني
ماتشوف الا بقايا من حصاه ومن حديده

[/size]

yslmo0o mraa 7lwa

t8bl mro0ori